Bilbao Bizkaia Design Week

Diseinuaren defendatzailea eta nazioarteko hizlari ezaguna da. Inc Magazine aldizkariak 30 urtetik beherako 30 pertsonetako bat izendatu zuen. Fast Companyk teknologian eragin handiena izan duten emakumeen zerrendan gehitu zuen, eta National Geographicek 2012an esploratzaile emergente izendatu zuen. Gaur egun, Casek lan egiten du web-ekonomiaren etorkizuna ikertzen eta sortzaileei ordaintzen, Mozzilla Fundazioa. bekarekin. Bere azterketa-eremutik, ziborg antropologiatik, urteak daramatza pertsonen eta teknologiaren arteko interakzioa aztertzen, baita hori eguneroko bizitza eta gizartea nola aldatzen ari den ere. Hainbat liburu idatzi ditu, hala nola “Calm technology, design for the Next Generation Device” eta “A Kids Book About Technology”. BBDW21ean azalduko du nola aritu behar diren elkarlanean pertsonen eta planetaren beharren araberako diseinuak, teknologiak eta beste osagai batzuk, giza eskalako teknologiak diseinatzeko.

Finlandiako Barne Ministerioko zerbitzuen eta interakzioaren diseinatzailea da: diseinu sozialari buruzko “Diseño y Diáspora” podcast arrakastatsua ekoitzi eta gidatzen du, eta horren 250 atal baino gehiago argitaratu ditu. Esperientzia handia du zerbitzuen diseinuan, betiere diseinu parte-hartzailearen esparruan. BBDW21ean bere “nahasketa pertsonala” kontatuko du ordaindutako praktika profesionalaren —administrazio publikoan— eta praktika profesional aktibista eta altruistaren artean, bi praktiketan eskuratutako ezagutzak lotuz. Eta hori guztia mundu jasangarriagoa, irekiagoa eta bidezkoagoa egiteko asmoarekin.

Hybridoako ikertzaile eta diseinatzaile hibridoa da. Arreta jartzen du “biopraktiken” potentzialean eta ezagutza berriak sortzeko bitartekoetan, eta baita gizakien, “gizakiak baino gahiago” diren eta ekologien arteko interdependentzia intimoak nabarmentzeko bitartekoetan ere. Bere lanak diseinu, “zuk zeuk egin” biologia eta bitarteko digitalak eta esperimentalak nahasten ditu, kode irekiko filosofiarekin batera. Bere “etxera itzulian”, Barakaldoko diseinatzaileak azalduko du bere ibilbidea diseinutik bere azken lanera arte, “Mari Mutare” (protesi biobateragarriei buruzko diziplinarteko diseinuko ikerketa), eta automobilgintzan eta aeronautikan esperientzia duen diseinatzaile industrial izatetik ikerlari, diseinatzaile eta maker hibrido izaterako bilakaera.