BEGIHANDI tokiko komunitate sortzailearentzako topaketa ibiltaria, irekia eta doakoa da; EIDEK antolatzen du 2016. urtetik eta dagoeneko 27. ediziora iritsi da. Oraingo honetan edizio berezia prestatu dugu KUNSTHAL eta bertako ikasleekin lankidetzan.

Beti bezala, sorkuntzaren eta diseinuaren arloko profesionalak elkartuko dira eta inspirazio iturri diren erreferentziak eta lan prozesua bertaratutako publikoarekin partekatuko dituzte. Hitzordu presentziala izango da, baina streaming bidez ere jarraitu ahalko da.