“Nire etxearen inguruko bidaia” ibilbideak Xavier Maistreren “Viaje alrededor de mi habitación” liburua du inspirazio-iturri. Bertan, Maistrek honako hauxe galdetzen dio bere buruari: Zer egin norbera etxeko atzipenaldian dagoenean, gogoaz bidaiatzea baino? Bere lekukotasuna umorez eta adimenez beteta dago, eta misantropia gozoko mezua da bere lau hormetarantz begiratzera behartuta dagoen balkoietako Europa honentzat.

Premisa horretatik abiatuta, Bilboko Santutxu auzoa gurekin zeharkatzera gonbidatzen zaituztegu. Europan dentsitate handiena dutenetakoa da, eta garapen-bidean zegoen industrian edo meategi hurbiletan lan egiteko asmoz zenbait lekutatik iritsitako milaka laguni etxebizitza eskaintzeko premiagatik eraiki zen. Bizibideen eta gainerakoekiko zein kanpokoarekiko harreman-ereduen adierazgarri diren zenbait eratako etxebizitza-blokez betetako hiritzarra da.